Ўзбекистон Миллий авиакомпанияси Кенгашининг навбатдаги йиғилишида биринчи ярим йиллик натижалари сарҳисоб қилинди. 2010-йилнинг олти ойи ичида МАК ҳаво кемалари 11 620 та қатнов бажаришди, бу 2009-йилнинг шу пайтига қараганда 89 та қатновга кўпдир, 972,6 минг йўловчи ташилди (ўтган йилнинг биринчи ярим йилига нисбатан 122,7 минг йўловчига кўп).

Битта қатновга тўғри келадиган ўртача йўловчи йукламаси 74 тадан 84 тага ошди. Юк ташувлари ҳажми ўтган йилнинг шу даврига нисбатан икки ярим бараварга кўпайди: 2010-йилнинг биринчи ярим йилида 22,6 минг тонна юк ташилди (пуллик багаж билан бирга).

Шундан 11,7 минг тоннаси А300-600 самолётларида Навоийдан Деҳли, Мумбай ва Бангкок йўналишлари бўйича ташилди, 2010-йилнинг март ва май ойларида бу қатновларга яна икки йўналиш қўшилди: Навоий-Франкфурт ва Навоий-Дакка. Почта ташувлари ўсиши 7,1% ни ташкил қилди. Йиғилишда 2010-йилнинг биринчи ярим йилида Миллий авиакомпания бир маромда, узилишларсиз ишлади ҳамда ишлаб чиқариш ҳажми ва даромаднинг ошишини таъминланди.

манба: uzairways.com