Ўзбекистон Республикаси Вазирлар Маҳкамасининг 2002 йилдаги қарорига биноан “Тўқимачи - Ангрен” темир йўл участкасини электраштириш мақсадида Германия тараққиёт банки ҳамда Қувайт Араб иқтисодий тараққиёт жамғармаси (КФАЭР) ажратган кредитлар эвазига қурилиш ишлари бошланган эди. Лойиҳадан кўзланган мақсад 114 км. узунликдаги “Тошкент (Тўқимачи)-Ангрен” темир йўл участкасида поездларни дизелда тортишни ўзгарувчан электр кучи билан тортишга алмаштириш ҳисобланади
2007 йилнинг 19 февраль санасида Ўзбекистон Республикаси Президенти Ислом Каримовнинг “Тўқимачи-Ангрен темир йўл участкасини электрлаштириш лойиҳасини такомиллаштириш чора-тадбирлари тўғрисида”ги Қарори қабул қилинди. 114 километрлик участкани электрлаштиришни “Ўзбекистон темир йўллари” ДАТК ҳамда хорижий инвестроларнинг маблағлари ҳисобига бажарилиши қайд этилган эди.
Лойиҳанинг умумий қиймати 85,39 млн. АҚШ долларини ташкил этди. Тендерда қатнашган ташкилотлар билан қуйдагича контрактлар тузилди: - Иккита L-110 конструкциясидаги металл кўприкларини етказиб бериш бўйича Россиянинг “Моставик” илмий ишлаб чиқариш бирлашмаси билан;- электр таъминоти ва контактли боғланишларни амалга ошириш бўйича Хитойнинг CNTIC - EEВ консорциуми билан; - телекоммуникация ва сигналлаштириш ишларини амалга ошириш бўйича InerEng Messtechnik Dmbh – ZTE консорциуми билан (Германия-Хитой);- СКАДА – тизимини қўллаш юзасидан Белам компанияси билан – Рига (Латвия). Бугунги кунда барча ишлар “Ўзбекистон темир йўллари” ДАТКнинг электр таъминоти Маркази ва унинг тармоқлари бўлган Тошкент электр таъминот масофаси ҳамда 1-электромонтаж поезди корхонаси, 1-алоқа ва сигналлаштириш маркази, компаниянинг йўл хўжалиги масофаси ҳамда Тошкент темир йўл масофаси жамоалари мазкур қурилиш лойиҳаларида хорижлик инвесторлар билан фаол қатнашди.
Натижада электирлаштириш жараёнида СКАДА тизими, контакт боғланиш, тортиш нимстанцияси, микропроцессорлик бошқарув ҳамда телекоммункация ва ўқларни электрон ҳисоблаш тизми каби янги технологиялар жорий этилди. Қурилиш ишлари давом этаётган бир вақтда “Ўзбекистон темир йўллари” ДАТК мутахассислари Хитой, Латвия, Франция, ҳамда Германияда янги технологиялар бўйича таҳсил олиб қайтишди. Мана, ниҳоят Тошкент минтақавий темир йўл узелининг 114 километрлик “Тўқимачи-Ангрен” участкасини электрлаштириш ишлари якунига етказилди.
Бу эса узел бўйлаб барча электрлаштириш ишларини ниҳоясига етишини таъминлади. Мазкур ҳудудни электрлаштирилиши ташиш харажатини 1,8 марта камайтиради, ҳудуддаги экологик вазиятни яхшилайди, юк ва йўловчилар ташишни осонлаштиради, ортиқча сарф-ҳаражатларнинг олди олинади. Мазилга юк ва йўловчиларни тез ва қулай етиб бориш имконини янада яхшилайди. Шу билан бирга ушбу йўналишда янгидан 50 та иш ўринлари яратилди.
манба: uzrailway.uz
