Xalqaro va mahalliy aviaqatnovlar terminallarida yo‘lovchilarga yuklarni tashlab, shaharda vaqt o‘tkazish imkonini beradigan avtomatik javonlar o‘rnatildi. Bu haqida “Uzbekistan Airports” matbuot xizmati xabar bermoqda.
Xalqaro terminalda yuklarni saqlash javoni:
- jo‘nash terminalining birinchi qavatida joylashgan (4-kirish/chiqish eshigi yonida);
- 24/7 ishlaydi;
- yuklarni saqlash narxi - bagaj hajmiga qarab 1 soat uchun 15 000 so‘mdan 40 000 so‘mgacha;
- ruxsat etilgan o‘lchamlar: standart - 60x50x80 sm, o‘rta - 90x50x80 sm va katta - 180x50x80 sm.
Mahalliy aviaqatnovlar terminalidagi saqlash javoni:
- terminal ichida uchib ketish va uchib kelish zallari o‘rtasida joylashgan;
- 24/7 ishlaydi;
- yuklarni saqlash narxi soatiga 10 000 so‘m (barcha turdagi bagaj uchun yagona tarif);
- ruxsat etilgan o‘lchamlar: kichik - 43x50x34 sm, standart - 60x50x80 sm.
Avtomatik yuklarni saqlash javoni uchun to‘lov quyidagi tartibda amalga oshiriladi: saqlash joyi tanlanadi va naqd pul yoki bank kartalari orqali amalga oshiriladi. Ushbu yuklarni saqlash joylari E-auksion.uz platformasidagi auksion yakunlari bo‘yicha o‘rnatilgan.
Izoh