19-mart kuni Ekologiya, atrof-muhitni muhofaza qilish va iqlim o‘zgarishi vazirligi hamda “Zamin” xalqaro jamoat fondi hamkorligida poytaxtdagi birinchi jamoatchilik yashil bog‘ida daraxt ko‘chatlarini ekish tadbiri bo‘lib o‘tdi.
Tadbirda davlat idoralari, jamoat tashkilotlari vakillari, ekologiya faollari, oliy ta’lim muassasalari talabalari va umumta’lim maktablari o‘quvchilari ishtirok etdi. Aksiya davomida 300 tup daraxt ko‘chatlari ekildi.
Ekologiya vaziri Aziz Abduhakimov bog‘da aholi dam olishi uchun barcha qulayliklar yaratilayotganligini ta’kidladi:
• Attraksion yoki oziq-ovqat shoxobchalari bo‘lmaydi.
• 100 turdagi atirgul bilan o‘ziga xos atirgul bog‘i barpo etiladi.
• Tabiiy ko‘l yaratiladi va qushlar uchun inlar quriladi.
• Yo‘laklar toshlardan, o‘rindiqlar esa tabiiy materiallardan qilinadi.
• Yil davomida ketma-ket gullaydigan o‘simliklar ekiladi.
• Kirish bepul bo‘ladi, chiqindi qutilari esa faqat kirish va chiqish joylariga o‘rnatiladi.
Loyiha “Yashil makon” milliy tashabbusi doirasida amalga oshirilmoqda. Bog‘ning ochilishi 2025-yil bahoriga rejalashtirilgan bo‘lib, bog‘ Toshkentdagi Astronomiya instituti hududida joylashgan.
Izoh