Mart oyida Navro‘z, Ramazon hayiti va 8-mart munosabati bilan qo‘shimcha dam olish kunlari ko‘zda tutilgan.
Kambag‘allikni qisqartirish va bandlik vazirligi vakilining ma’lum qilishicha, Navro‘z bayrami 21-mart, shanba kuniga to‘g‘ri keladi.
Ramazon oyi boshlanishidan 30 kun 19-fevraldan hisoblansa, Ramazon hayiti bayrami ham 21-martga to‘g‘ri keladi.
Mehnat kodeksining 208-moddasiga ko‘ra, agar dam olish kuni ishlanmaydigan bayram kuniga to‘g‘ri kelsa, u bayramdan keyingi ish kuniga ko‘chiriladi. Shu tariqa, besh kunlik ish haftasida ishlovchilar uchun 21-mart dam olish kuni 23-mart dushanba kuniga ko‘chiriladi.
Shunday qilib, 5 kunlik ish haftasida ishlovchilar 3 kun dam oladi:
• 21-mart – bayram kuni;
• 22-mart – yakshanba;
• 23-mart – dushanba, ko‘chirilgan dam olish kuni.
6 kunlik ish haftasida ishlovchilar 2 kun dam oladi:
• 21-mart – bayram kuni;
• 22-mart – yakshanba.
Eslatib o‘tamiz, prezident farmoniga ko‘ra, bu yil 8-mart ham yakshanba kuniga to‘g‘ri kelmoqda. Bunda 5 kunlik ish haftasida ishlaydigan xodimlar uchun 3 kun dam olish nazarda tutilgan:
• 7-mart – shanba, dam olish kuni;
• 8-mart – yakshanba, bayram;
• 9-mart – dushanba, ko‘chirilgan dam olish kuni.
6 kunlik ish haftasida ishlovchilar 2 kun dam oladi:
• 8-mart – bayram;
• 9-mart – dushanba, ko‘chirilgan dam olish kuni.
Izoh